Start » Sagen » Der Geisterschrofen
Der Geisterschrofen
Friar ischt es i aiserm(1) Tal it rächt soubr(2) gwäacha(3). Bsundrs i dr Nacht hot es a vil Oart gaischtet(4), bis endle zwi Häre Gaischtr beschwoare hönt. Abr iaz house si no im Rappeschrofe und do mächt i bäi dr Nacht in blaiba, wenn i grad an Bottr(5) oder a Kräitz bäi mir hött. Öbas fölbr ai(6), was mir scho mai Dröne(7) gsöt hot, wäil i no klai gwäache bi und was er vu maim Gutt-Öle(8) g'häart hot.
Voar mäanr hundert Jor hot amol a Hiart a Kua im Gimpl dur's Gschröf(9) achefalle lang(10) und drzue das Kua hi gwäachen ischt. Und wail er gschtorbe gwäachen ischt, hot dr ui(11) Hiart all Nacht am söllen Oart miassa gaischte gang, wo dös Uglick g'schäachen ischt. Mai Gugg-Öle ischt Sönnere(12) uf'm Gimpl gwäache und hot oft z'Nacht im zwölfe da Gaischt dur's "Sigler Ökle" acharutsche(13) und jole(14) häara. Uamol ischt r grad a ir Finschtr(15) kumme. Doch wail si i dr Noat gschria hot: "Jesus Maria", ischt dr Gaischt zmol mea furt.
1 = unserem, 2 = sauber, 3 = gewesen, 4 = gegeistert, 5 = Rosenkranz, 6 = fällt mir ein, 7 = Großvater, 8 = Urgroßmutter, 9 = Felsen, 10 = lassen, 11 = jener, 12 = Sennerin, 13 = herabrutschen, 14 = schreien, 15 = Fenster
Mundart von Grän nach August Kübler (Mitte 19. Jahrhundert)